احتفال الواحد والعشرين

اييييه ده انا بقيت 21 !!!!

شىء جميييل ان اول بوست ليا ليكون احتفال بعيد ميلادى

يعنى سنة جديدة ......يعنى بداية جديدة

ومش اى بداية بقى دى بداية الواحد والعشريين....(تصفيق حاد)

يعنى بقيت فرد اساسى فى المجتمع و من حقى معرفة كل حقوقى ووجباتى ....احم احم

تعرفوا الواحد والعشرين ده له كذا ميزة

1- ده السن القانونى اللى اقدر احط فلوس باسمى بالبنك واعمل بقى شهادات استثمار ودفتر توفييييير...يعنى اخيرا مش ححتار اودى المليون جنيه بتوعى فيين....يعنى سن الادخار

2- اقدر بقى اسحب كل الفلوس اللى بابا كتبها باسمى فى البنك بسهولة خالص قبل ما اعملوا التوكيل.....يعنى سن النصب

3- اقدر ابيع واشترى فى كل ممتلكاتى ...يعنى ممكن ابيع سريرى ابيع دولابى ابيع اوتى.....يعنى سن الحرية

4- ده السن القانونى للخروج من وصايا الوالدين....يعنى سن الانحراف

5- ده السن القانونى للجواز .....يعنى سن الاستقرار

6- ده السن القانونى لمعرفة حقوقك المدنية.....يعنى سن تحيا مصر

7- السن اللى حنكون مسئولين فيه عن نفسنا.....يعنى سن الكلام الكبيير


اااااه دنيااا...السنيين بتعدى بسررعة...والواحد لازم يستغل كل اللى جى من عمره....

فى مقولة جميلة بتقول " الحياة اقصر من ان نقصرها" ودى المقولة اللى حبتدى بيها السنة الجديدة

حنسى اللى فات وحبتدى بداية جديدة....بس ححتفظ بذكريات قديمة جميلة هى اللى حتعطينى الدفعة لقدام

وارجو من الله انه يجعلهالى سنة جديدة فى طاعته وحفظته ورعايته

اشوفكم على خيييير وانتظرووونى