ظاهرة بنى آدمية عجيبة

وابتدت الحكاية ايام امتحانات الاورجنك....وانا بذاكر فى امان الله فالقلم لحوس اييدى وانتوا عارفين طبعا ان الواحد ايام المذاكرة بيحب يذاكر على اييده ^_^

المهم جاية امسح الحبر ببص لقيت حاجة عجيبة....لقيت رسمة قلب فى كف ايدى ...استغربت جداا لوجود رسمة قلب كاملة الملامح



وساعتها اخواتى كانوا موجود فقومت عشان اورهالهم بالا اورجنك بالا بتاع

ومن هنا ابتدت الحكاية....او الاصح ابتدى مشوار التقليس اللى لحد دلوقتى لسة شغال ,والخبر انتشر




وطبعا بدأت كومنات التقليس والهزار....وسمعت كومنتات تحف اووى من اصحابى

كان احلاهم..."ايييه ده وياترى لقيتى الحرف جواه ولا لا "



وكومنت لطيف برضه "على فكرة القلب ده حيفضل يكبر..يكبر..يكبر..يكبر..لحد ما تمشى وانتى شايلاه على ايديك"




وطبعا فى ناس كتيرة فاهمونى غلط وقالوا القلب ده طالع من العقل الباطنى




والموضوع فعلا اخد منى تفكير وقولت يا ترى ايه معناه القلب ده واشمعنى طالع فى الفترة دى بالذات

ولا قلب ميين ده الى فى قبضة يتى...و انا حعصررره



وقعدت ادور على النت فى يوم يمكن يكون له معنى ...بس موصلتش لحاجة

ولما فكرت قولت ممكن يكون القلب ده مجرد قلب بيعبر عن الصورة دى فى الوضع الحالى




او ممكن تكون اشارة لحاجة قدام



المهم انى لازم اخد بالى من خطواتى وطريقى وخلاص


بس حيفضل القلب ده لغز بالنسبالى


>
>
>
>
>
>
>
>
>
>
>
>
>
>
>
>